La grafia per la lengua lombarda

La NOL l'è stada desvilupada per permeter a tuta la lombardofonia de scriver cont una grafia unega ma respetosa de la tradizzion storega de la lengua. I interessad poden lensger la storia de la grafia.


Scomincia con la NOL

La grafia


Grafia comuna

Una grafia comuna l'è vun di pass pussee important per salvà el lombard in d'un mond che el dovra la scritura 'me principal mez de comunicazzion. Compagn de ogni lengua, el lombard el gh'ha tante variant diatopiche, i diferenze di quai inn pussee marcade che quei di lengov oficiai, soratut per el fat che i gh'hann mai havud un standard. Una grafia unitaria a l'è, donca, necessaria per schivà una “Babel” di ortografie con soluzzion diverse, despess vœuna contra l'oltra e incoerente in tra de lore.

Inovazzion e tradizzion

La grafia Nœuva Ortografia Lombarda la se fonda in su la tradizzion grafega lombarda, La bas de partenza inn i grafie tradizionai lombarde. De queste chì, la s'è desvilupad una grafia nœuva con trat pussee marcatament polinomich, e s'inn scancellade e sostituide carateristiche superflue o minga necessari. De sorapu la grafia NOL l'è una grafia che l'è facil de scriver cont i tastere del dì d'incœu.

Flessibilità

La NOL a l'è una grafia che la se adata ai situazzioni di parlant e che la da la possibilità de scriver in de l'istessa manera a tucc, ma anca diversament se gh'è besogn de fàll in d'un determinad contest. Per quell motiv chì, la tendenza la sarà vers la flessibilità, senza uniformà tut in d'una unica e monolitica koiné. La NOL la met minga un standard de gramatega: el "gat" el sarà semper, al plural, "gat" a Milan e "gacc" a Berghem.

Perchè doperà la NOL


Pensada per el lombard

La grafia NOL l'è pensada propi per el lombard e tut i so dialet.

La se imprend in poch

Ghe vœul poch per imprender la grafia NOL se se cognoss vun di dialet lombard

Minga invasiva

Rispet al parlad la grafia NOL la cambia no tant, a diferenza di alter proposte grafeghe

Scomincià con la NOL


Lensg i cinch regole

I cinch regole che permeten de scriver la pupart di test in lombard.

Lensg
Dopera el dizzionari

El dizzionari l'è una font importanta per scriver ben el lombard.

Varda
Descarega el liber

In del liber gh'è tut i detai in su la grafia NOL.

Descarega